torsdag 20. desember 2012

Offisiell nettside

Bjørnøya Meteo har fått egen hjemmeside: bjornoya.org. Følg gjerne med om du er interessert i nyheter om livet på ishavet!

mandag 23. april 2012

Sondesupport for Andøya Rocket Range

Her på stasjonen har vi bistått Andøya Rocket Range med å sende opp radiosonde i forbindelse med ei rakettoppskyting. I forbindelse med oppskytinga skal det hentast inn atmosfæriske data frå havnivå og opp til 35 000 meter. Sonder vart sendt frå Bjørnøya, Jan Mayen og Andøya. Til vanlege sondeslepp nyttar vi ballongar på 350 gram. I denne forbindelsen har vi sendt opp ballonger på 1200 gram for å vere sikker på at sonden går høgt nok. Sonden vår sendte data inntil den nådde ei høgde på ca 37 000 meter.

lørdag 31. mars 2012

Medlem nummer 3000 i Bjørnøya Nakenbadeforening

Så fekk vi besøk igjen. Denne gongen av KV Sortland, og det vart ilandføring av gods (sondeballonger) og gjester. Gjestane våre vil gjerne ta seg i eit bad, før dei kommer innom stasjonen for eit besøk i velferden og ein liten prat i stova med kaffi og kake. Så blir det tid til litt omvisning på stasjonen for dei som ønskjer det.

Dette vart eit spesielt badebesøk, då vi i følge protokollen nærmar oss medlem nummer 3000 i Bjørnøya Nakenbadeforening. Siste bader blandt dei besøkade for KV Sortland fekk dermed æren av å verte medlem 3000!


Eli Anne overrekker diplom til medlem 3000, LT Sande.

mandag 5. mars 2012

Nye kjøkkenduppedingsar

Det er ei glede å meddele at vi med forsyningsbåten har fått følgande
-nytt toastjern
-nytt vaffeljern
-kaffimaskin

Diverre rakk vi ikkje å bestille kaffi til den nye maskina, men vi fekk med nokre prøvekapslar som fort vart brukt opp. No er det kun tre kapslar med koffeinfri kaffi att. Toastjernet var meget populært, og eg trur det snart vert vaflar til kaffien :)



Midt i gleden over alle dei nye duppedingsane oppstod ei midlertidig krise som trua freden og harmonien her på øya: Tv signalet var borte! Halve besetninga vart engasjert i feilsøking i opp til fleire timar, og det viste seg at ei rekke heldige (det kom snø) og uheldige (det vart mildt) omstendigheter hadde medført ei defekt antenne grunna snøskred. Men som det framgår av bilete over så er no også TVen operativ, og kriseevakuering avverga.



søndag 4. mars 2012

Forsyningsbåt

UHT melka rakk berre så vidt å komme på frukostbordet mellom forsyningsbåtane denne gongen. Kystvakten duppa i havet utanfor stasjonen i morgontimane og klokka ni var det klart for ilandføring av forsyningar og post.  Kystvaktgutta hadde til og med heilt ferske aviser med til oss!



Og vår postsekk er på veg til fastlandet. Det kan ta litt tid, men posten kjem fram til slutt :)

lørdag 3. mars 2012

60- års jubilant!

Det er mykje som skal markerast i løpet av eit halvår på Bjørnøya. Vår meteorologifullmektig Oddmund fylte 60 år 1. mars. Då var det flaggheising, kake til kaffien og torsk til middag. Men sjølve feiringa av dagen skjedde i helga, med tre retters middag og kake etterpå. Det vart ei triveleg feiring her på stasjonen, og enno gjenstår to runde dagar blandt vår besetning!

torsdag 1. mars 2012

Russehamna og sørkysten

29. februar la vi i vei mot Russehamna på eit flott skiføre. I starten var det litt bygeaktivitet, men eit stykke inne på øya fekk vi god sikt og oppholdsvér.

Aki slapper av med fjellutsikt. 

Ragnar kaller opp stasjonen. I bakgrunnen Miseryfjella med Skrekkjuvet til høgre.

Når vi kom fram til Russehama var det framleis nokre timar att med dagslys, så vi gjekk videre forbi Sørhamna og snudde i Revdalen. 


Hytta i Redalen med mektig natur.

Tilbake i Russehamna fekk vi sjå eit flott nordlys i sør.

Aki er klar for heimturen i nydelg vér :)

To personer har no besøkt alle punka som skal til for å tittelere seg som kjentmann på Bjørnøya, medan det for tre andre kun gjenstår eitt hyttebesøk.

søndag 12. februar 2012

Måling av sjøtemperatur

Kvar time vert det sendt synops frå Bjørnøya. Denne består av både visuelle observasjonar og målingar av blandt anna temperatur, vindstyrke og vindretning. Det meste av målingar som ikkje er visuelle vert sendt automatisk. På 12-synopsen skal sjøtemperatur vere med. Vi har ingen fastmontert målar som gir oss denne informasjonen, så kvar dag er vi nede i hamna og målar sjøtemperaturen slik at denne kan leggast inn i synopsen.

Dei siste dagane har vi endeleg fått litt snø. Men med kuling og fokk så vert snøen litt skeivfordelt, og gir ekstra ufordringar på turar til og frå hamna.
Men vi, både hundar og folk, kom oss heim att også denne dagen :)

fredag 10. februar 2012

Kystvakta på besøk


KV Nordkapp var fortsatt i nærheten etter at de leverte oss forsyninger i forrige uke, så idag tok de turen innom på besøk. Det blei ikke så langt besøk, men med gode badeforhold fikk de jo tid til litt plasking i sjøen, en snartur i badstua og en kjapp tur innom stasjonen for litt omvisning og en kaffekopp.

Gutta og jenta virka svært fornøyde med å få prøvd badetemperaturen og sett åssen vi har det, samt å få litt fast grunn under beina.
KV Nordkapp dukker opp igjen


Sjøbjørn er på fikst vis sin egen landgang



Flere enn normalt

Badere loggføres og hedres

Ei stue som står helt i ro

lørdag 4. februar 2012

Nye forsyninger


Det var jentene ute på tur fra Kapp Levin som først observerte KV Nordkapp da den dukka opp på østsida av øya 4. februar. Ruta hadde heldigvis vært ganske direkte denne gangen, sånn at ferskvarene våre slapp å være med på omfattende ishavscruise før de kom fram. Det er hektisk de fleste stedene i stasjonen når vi får forsyninger, det skal tas imot på havna, pakkes ut og fordeles til kjøkken, posten, velferden, chiefen, teknikern og stasjonssjefen, hvor det så blir mer utpakking og fordeling. Oppi alt sammen skal de normale oppgavene med ballongslipp, værobservasjoner, radiovakt og matlaging sjølsagt ikke forsømmes, og som bonus fikk vi også dokumentert litt til bloggen :-)

Utpå kvelden når ting har roa seg kan vi kose oss med mer eller mindre sjeldne nytelser som melk, frukt og ikke minst post. De fleste har benytta noen av de gode innkjøpsavtalene til velferden til å skaffe seg turklær, data- og fotoutstyr e.l.


KV Nordkapp ligger på trygg avstand


Sjøbjørn leverer varene



Grovsortering i hangaren


Bjørnøya varetaxi


Posten skal fram


9176 Bjørnøya


Før


Etter

Besøk av forsyningsbåt

Då fekk vi endeleg besøk av kystvakten som kom med nye forsyninger og post. Det er stas å få ferske matvarer, og gleden var stor over forsendelsen med fersk skrei, lever og rogn. Oddmund og Henning tok ansvaret for råvarene, og søndagsmenyen vert sjølvsagt mølje.

Noko av skreien er no hengt opp, slik at også boknafisk kan nytast her på stasjonen.

Dei fleste av oss hadde gitt opp håpet om å sjå forsyningsbåten denne dagen, og Linda, Eva og underteikna hadde lagt ut på tur til Kapp Levin.

Framme ved hytta fekk vi melding om at båten var på veg, og vi tok til på turen heim medan kystvakta segla forbi oss. Lossinga gjekk fort, og kystvakten var allereie på veg vidare når vi nådde stasjonen.

I dag er også første dagen der sola tittar over horisonten. Berre øvre rand er synleg, og vi har ikkje sikt mot havet i sør. Sola var dermed ikkje synleg frå stasjonsområdet, men ettersom dette samanfallar med helg og laurdagskveld vart solfesten markert denne dagen med skaldyr, ost og kjeks.

onsdag 25. januar 2012

Skutilen og Alfredfjellet

Så vart det ein ny tur innover til Røyvasshytta denne dagen og. Her hadde vi ei lita lunsjpause på veg til Skutilen. Etter å ha gått over Røyevatnet var det endeleg mogleg å få litt fjellfølelse. Å komme opp 100 høgdemeter her på Bjørnøya betyr i mange tilfelle at ein har utsyn over størsteparten av øya. Sjølv om ingen av toppane her er imponerande høge får landskapet eit høgfjellspreg. Etter å ha gått ca 14 kilometer var vi framme ved Skutilen. Ikkje langt frå hytta ligg Ellasjøen, som om sommaren er ein samlingsplass for krykkja. I ei steinur hekkar det i tillegg alkekonge, men no på denne årstida er det berre ein og anna havhest som tek turen over området.

Vi har sett mykje nordlys denne sesongen, og denne kvelden var ikkje noko unntak. Her er Tassen med Alfredfjellet i bakgrunnen.

Dagen etter gikk turen videre til Alfredfjellet. På sørvestsida av fjellryggen er det ein koloni med havhest.  Videre mot sør ligg Hambergfjellet og Fuglefjellet der det til våren vil samlast store mengder fugl.

Frå toppen av Alfredjellet med utsyn mot Misery. Tassen er mest opptatt av om ikkje det er noko mat i nærleiken.
 Nord for Alfredfjellet er det for det meste flatt landskap og ein kan sjå både Skutilen og stasjonen.

mandag 23. januar 2012

Over isen til Røyvasshytta

Røyvasshytta har vore eit populært turmål i vinter. Frå stasjonen er det 8 kilometer hit, og no kan ein gå store delar av turen på is. Denne dagen gikk ruta over Hausvatnet, austre Sundvatn og Øyangen. Det er førebels lite snø, så vi går til fots.

Framme ved hytta fyrte vi i ovnen og spiste lunsj, før vi returnerte same vegen til stasjonen.

Aki på glattisen.

lørdag 21. januar 2012

Mjogsjøen

Så fikk vi mildvér her på øya, nesten all snøen har smelta vekk. No er minusgradene på plass att, og broddane er teke i bruk. I går var en gjeng på tur til Røyvass. Enkelte plassar var det problem med med overvatn på isen. I dag tok vi turen til Mjogsjøen, og et ekstra døgn med minusgrader gjorde til at vi kunne gå tørrskodd heilt fram :)

Inne på øya, mellom stasjonen og Mjogsjø, kan ein sjå restar etter forsøk på gruvedrift.
Mjogsjø ligg 7,2 km sørover frå stasjonen. Her var det tidlegare ei hytte, men no er det berre plankar og ein vedomn att.

torsdag 19. januar 2012

Livet på stasjonen

Her er litt bilete frå kvardagen ved stasjonen. I overlappen i desember var det til tider folksomt på stasjonene. Met. fullmektig Oddmund fører vaktjournal, helikopter var tilstede for å få besetning og varer videre til Hopen.

Matthias er klar for å forlate Bjørnøya for å ta til som Met. fullmektig på Hopen.

Helikopteret er kome på plass i hangaren. Med to Bjørnøyabesetninger, en Hopenbesetning og mannskap på helikopteret var vi denne dagen totalt 25 mennesker på stasjonen.

Etter ei stund med kuling frå nord, var sikten frå stova blitt kraftig redusert. Stasjonssjefen og sondeleder vasker vindauga på nordsida av hovedbygningen.

Nokre dagar fristar det rett å slett ikkje å legge ut på tur, Aki skjønar at utskiktene for utflukt er heler dårleg.